"على انغام اغنية بين ريتا لمرسيل .. عم بكتب "
واليوم ما في اشي معين اكتبو .. بس عندي شوية مشاعر مش قادره أحتفظ فيها !
مثلا اليوم حدا حكى عني بناقد حالي ! عشان بنتقد حماس وفتح .. واتدعى الناقد اعلاه اني منحازه لليسار
وللجبة الشعبية تحديدا .. وعامله حالي بتقبل وجهات النظر المختلفة والمتخلفة كمان .. وبتقبل الفتحويه من منطلق
كلنا فلسطينية .. وقال ايش الفساد والتنازلات القامو فيها السلطة الوطنية طبيعية ولو اليسار محلهم كان سوا نفس الاشي ... ولكن وجود فتح بالقيادة حطها بهيك موقف ...اضطرت قال !(عنجد حلوين أغاني مارسيل).. المهم مش عارفه اذا فعلا انا متطرفة وما بتقبل الآخر ولا لأ ... طبعا الآخر مش "الكيان الصهيوني المعفن" لأ قصدي باقي الأحزاب الفلسطينية.. طارحه حالي كانسانه بتتقبل التعددية الفكرية و اني غير متعصبه لليسار مثلا ! مش عارفه شو أحكي .. الصراحة في براسي انطباعات حول الاحزاب الفلسطينية بتخليني أكون هيك ! مش موضوعنا .. انا بالعاده بعمم في حكمي على الأمور .. حالي حال كتير ناس ,, انو مش دايما بس بشكل عام ! مالي بشت! برضو مش موضوعنا ,, آه بدي افرغ الكره العندي لبعض الاشياء وما حدا يعتب علي اذا انسيتو.. جل من لا يسهو ..
ما بقدر ما ابلش .. بأمريكا وبوش ورايس ,, جد بكرهم .. بس بحترم ذكاءهم !
بكره الكيان الصهيوني والجاب الكيان الصهيوني .. الزباله
بكره الاقتتال الداخلي بين فتح وحماس ... وبكره لما حماس بتحكي باسم الدين ..مش عارفين انو سيدنا محمد خاتم الأنبياء ! وبكره لما فتح اتبرر مواقفها باشيا فارطة وصياحها والجعجعة بخطباتها .. وطارحين حالهم كأصحاب مبادىء أصيلة ,, نفسي حدا يشرحلي اياها !
بكره لما اليساريه يزدوها فلسفة واعتراضات .. وبكره انو المقاومه الفلسطينية عم تندثر !(تتفلسفوش هلأ يانو الصمود مقاومه .. والرقص مقاومة .. والأغاني برضو مقاومه .. والروحة عالجامعة مقاومه .. انت فاهم قصدي) وبكره انو الثورة اصبحت تاريخ فقط ..
بكره انو مارسيل خليفة التها بالتلحين لابنه وللاوبرا ونسي عوده الأغاني الوطنية الثورية ..
وبكره انو محمود جرويش نسي حاله بالفلسفه ونسي شعره الوطن
بكره انو الدول العربيه تابعة مستهلكة مش أكتر ..
بكره العادات والتقاليد.. وبكره العولمة ..
بكره التطبيع .. وبكره اني ما بقدر استوعب كلمة اسرائيل لهالدرجة !
بكره انو الاعلام الفلسطيني ماكل هوا ... وبكره انو البيشتغلو عملاء كتار .....
بكره كتير اشياء تانية .. ولكن بكره مش بكره .. يعني غدا بكمل ..
تصبحون على وطن .. (حلوه هاي الأغنيه برضو )
said:
ربـى
أنا شخصيـّا فاهم قصدك كتير منيح .. ومعك عالخط ..وانت رهيبة .. لا .. مش رهيبة .. انت اكتر من رهيبة ..فيه كلمة مش عم تطلع معي مش عم لاقيها .. المهم انت فاهمة عليي أكيد ..عم أتابعك أنا دايما ..لحظة بدّي أشغـّل مارسيل .. بغيبتك نزل الشـتـي ..