نادرا ما أقرر أروح اتسوق عشان أشتري أواعي وهيك ... بكره il shopping ! ما علينا اليوم قررت أنزل على رام الله و أشتري أواعي عشان أشخص وهيك ! الا ايش اتذكرت اني جوعانه .. دخلت على مطعم زيت وزعتر .. مش هون الموضوع .. طلبت بطاطا مشوية ..بدها 8 دقائق وبتجهز .. الا ايش بلش صوت طخ وناس بتركض ! ايش في يا عالم ؟ الجيش اقتحم رام الله !
محسوبتكم أعصابها بارده ، اعتبرت انو عادي شو اقتحام شكلو جندي مارىء طريق أو اشي زي هيك .. الناس انضبت جوا المحلت والشباب اتجمعو ! انا شفت المحل القبال زيت وزغتر سكر .. بلشت أحس انو فعلا اجتياح ..
طبعا بدي أعمل فيها صحفية .. خصوصا انو الكاميرا معي ..نزلت زي أبو الشباب ... بس أقطع لما كانو الشباب ياخدوا\ أطراف الشارع عشان الجيش بالوسط و 50 متر بعيد ورصاصه بيوصل .. انا اوقف بوسط الشارع أصور !
البطاطا جهزت طلعت آكلها عشان بعدها أكمل تصوير ... كم من لقمة .. الا ولعت البلد بزياده ,, اعتبرت حالي بالبيت أخدت الكاميرا ونزلت أصور من طرف الباب لأنو صاحب المطعم قرر يسكر علينا .. المهم فتح لمدة دقيقه وهو على أعصابه لأنو الجيش ساعتها كان قدام محلو ,, وانا واثقة من حالي حاطة الكاميرا manual focus بجرب أصور .. مش شايفه .. سلختو زوووووووم و زبطت FOCUS الا ايش بشوفلكم الM16 ولا ابصر شو دينو بيتصوب على جهتي ! انو شايفته من عدسة الكاميرا مع انو قدامي بالضبط... وانا افسخخخخخخخخخخ هروب لجوة المطعم ! والصورة طلعت OUT OF FOCUS من الحركة ! بس خف عقلي ! شوية طخ بعدها انسحب الجيش ! بعد ما استشهد شاب ! وانا عادي استقبلت الخبر ! المهم الكنت بدي أحكيلكم اياه انو غدا تعليق دوام عشان الشهيد كان طالب عنا ... الله يرحمكم يا شهداء ! للأسف في ناس حولوكم لأرقام!
said:
said:
said:
من فلسطين