مع انو علي شغل بس كان لازم احكيلكم !
تأكيدا على انو عقليات هالمجتمع وضعها صعب!
اليوم انا رحت على أحد الاماكن على اساس أشارك بدورة عن النظام السياسي في فلسطين !
والله زي العنجد وصلت عالمكان متأخرة زي دايما ! على أساس اليوم اول يوم تعارف والكل بيتأخر
طبعا داخلو وحاسة بالذنب واززز الدورة مش امبلشه والطلاب أصلا في منهم مش واصلين !
ولكن في الوقت نفسه واثقة من حالي انو الكل ما بيعرف الكل !
الا وحدة من دون مسا ولا صباح الخير بلشت قوانين " لو سمحتو تأخير بديش وممنوع تاني مرة تدخل اذا بتتأخر مش مدرسه هون " وطبعا محسوبتكم أنا بلشت أجحر فيها ع اساس انو مش هيك الواحد بيرحب ببداية الدورة وما خليتيلها بيني وبين صحبتي !
اكتشفت لاحقا انو ماخدين تلات لقاءات قبل ايام ...
واكتشفت برضو انو عنوان الدوره لليوم "الأسرة والزوااااااج "
بهاي اللحظة انصدمت أنا !!! انو تركت شغلي عشان أحضر دورة بهيك موضوع !! وبرضو حكيت بعقلي يالله بركن استفدت !!
بلشنا طبعا انعرف الدكتور بأسمينا وتخصصاتنا بناءا على طلبه ...
الا واحد حكى اسمه وبعدها قال " انا طالبي سنه سادسه ولكن بمستوى سنه تانية .. بقدس الحياة الزوجية ورقم جوالي 0599..."
انا تعابير وجهي قلبت وبرضو جحرتو ! الصبية الجنبو ام الأخضر استحت وما سمعت اذا عرفت عن نفسها اصلا !
بالله عليكم هدول طلاب طبيعيين؟؟!
بلش استاذنا الموقر قسمنا مجموعات وصار بدو مجموعتين يعرفو الاسرة ومجموعتين يعرفو الزواج !!
حسيت حالي بدرس تربية وطنيه ! انو ايش مالك !!!
والله وما كزبنا خبر كنت مع المجموعة العرفت الزواج ! الا بالنقاش حكينا انو الزواج علاقة بين ذكر وانثى !
واحد محترم: مش شرط ذكر وانثى ! ليش بتحددو !!
أنا : ماشالله عليك مخك منفتح عالثقافات التانيه !
علاقة الزواج علاقة مبنية على التفاهم وتتم باليجاب والقبول بين الطرفين
محترم تاني : مش شرط بايجاب من الطرفين ! ممكن اهلهم اتفقوا
أنا : يا سلاااااااام ! بيفكر حالو حكى ؟!
العلاقة بين تنين في الزواج هي اتفاق بين طرفين على حياة جديدة والطرفين بيكملوا بعض.. الهدف من علاقتهم الاستقرار والحب و.....
محترمه: الهدف هو انجاب أطفال !
أنا : يعني البنت بس للخلفه !!
المحترم الأكبر (الدكتور ) : مش شرط الحب وهي علاقة جنسية واشياء أخرى !
أنا : علاقة حيوانية يعني !
المحترم الأكبر : لأأأ الهدف منها ارضاء رغبات جنسية !!
أنا : مش بقولك حيوانية !!
صراع داخلي ( معاتيهك يا وطن أنا شو جابني على هالدورة )
مداخله ما فهمتها من محترم : من استطاع منكم الباءة فاليتزوج !
طيب يا أخي اتزوج ! وين الجديد بالموضوع !
المحترم الأكبر : سيدنا آدم ليش اتزوج حواء !
أنا : جدي الأول؟؟؟ صدفه !!
محترم : ربنا سهلها !
محترم : الله الهمهم !
المحترم الأكبر : لارضاء احتياجات !
محترمه : كان عندهم فضول !
أنا : يا حبيبتي يا ربا ليش عامله بحالك هيك !
مداخله أبدا ما فهمتها :" وخلقني في أحسن تقويم "
أنا : يعني بتحكيلنا انك حلوه ؟! ولا شو المناسبه ؟
لا اله الا الله !
في وحده كانت كل شوي تسلخ الدكتور آيه أو حديث شريف ! أجوبتها مقدسه يا عمي !
انا : طيب انصلي ركعتين ما هينا كاعدين ! مالها هاي ؟!
خلصت جلسة اليوم واحنا مش متفقين خلال 3 ساعات على تعريف للزواج !! طيب شو بتتوقعو من هيك طلاب!!!
لسا هادا مختصر ! يعني ازا واحد بيشوف علاقة الزواج مش شرط اتكون علاقة تفاهم ومش شرط اتفاق من طرفين وبتيجي محترمه شو بتقول : وظيفة الام التربية ووظيفة الاب الادارة !! وواحد تاني بيعرف الأسره عن طريق ذكر أنواع الاسرة ما بين ممتدة ونووية ! بقولكم درس تربية وطنبة رسمي !
وقال ايش واحد بيرفع ايدو بيسأل شو الفرق بين النوعين !
وانا من كل عقلي صصحت تعريفه بقولو الأسرة الممتده فيها الجد والجده ... نط حكالي : هادا اذا عايشين !!
ههههه كلو ولا هالمحترم حكى : بلال بن رباح أعلن زواجه !!
كيف بالله ؟ بالمحكمة ؟؟ ولا بالعرس ؟!
نهفات بلاوي ... الدكتور حكى انو مش ضروري الاجهار بالزواج !
محترم بس مش كتير : اذا ما اعلن ومشي مع مرته بيسمع مييييت تعليق عليهم من الشباب ! فالعرس بيعرفهم !
أنا : ليش حتى لو أعلنت وعملت عرس .. بتعزم كل البلد؟
كلو كوم وتوزيع الأكل كوم .. نزلو كرتونه فيها سندويشات .. والكل لازم يقوم ياخد لحاله !!
زي توزيع المؤن !
هاي الاشياء بتعمل تنميه حكيتولي ؟؟؟
said:
said:
said:
من فلسطين